斗數渠王

洋文 Tautology，中文即係冗詞、贅述，俗稱 __up，一樣 賴以維生，「傾倒眾生」呃 like 的不二法門。繼上回「天相其實唔係好天相」及「星曜性格盲點」系列後， 今回嚟個「星曜自處之道」，由失明人士演繹睇唔到嘢，格外傳神。

葉老斗數卷·卷二對天相已作出精確的描越 —「𧫴慎、守規矩、舉步繩墨」。甚麼「天__必須有自知之明，戒急用忍，尊重上司__客戶，就是最佳的自處之道」只是一條條傷春悲秋亞毛紥腳布，又長又噚，言不及義，典型為賦新詩強說愁，極具上湯焗 風味。其實上述「心得」只要移除天相二字，你擺乜嘢落去都得，好似好啱，睇落好似有D嘢，好有深度內涵咁，點知原來係正牌「阿媽係女人」嘅 Tautology __up。

言為心聲，如斯解讀紫微斗數，只係反映咗 精神狀態不穩，腳步浮浮腳震震要服用神盾海狗丸，由太陰需要 “me-time” 到「精進學佛修禪去幫人”善巧”」，一切一切均反映 心理投射出一種蒼白孤涼，需要他人憐憫的心境，一種天同式渴求其他小朋友要陪佢玩的希冀。幾廿歲人，頭髮得番一半之際，原來內裡只得一個空空如也未開封的痰罐，誠可悲也。要俾$9600 去聽佢 __up 太陽由東方升起，更可悲也。想學斗數搵著 ，真慘情也。

奉勸習斗數嘅朋友一句，從自身感性出發去理解演繹斗數搞對號入座(自己大運行太陰就 me-time，命坐天梁就要蔭庇他人)，死路一條。

見山是山，見山不是山，見山還是山，相信認識禪宗嘅朋友對上述說法一定不陌生，不要被表象瞞閉，也不可拘泥執於非表象，此謂不作常邊，不作斷邊是也。不過身披「禪修日程表」嘅 __up 斗數則越 up 越出奇，竟然事業宮睇事業咁低能嘅嘢都 __ up 得出，「巳宮事業宮巨門、火星加上某些結構，今日就做 IT」。

1。睇盤僵化，事業宮睇事業

2。「加上某些結構」咁樣樣，咁即係特例啦，又係度 __ up誤導

3。巨門、火星同宮堪稱劣配，師父冇教你咩？乜乜卷則例多番提及，仲未「啓發」到呀？

4。唔信就睇睇卷三288頁「啓發」下

星象混淆不清，視野受制於宮位，其實 究竟你識唔識㗎？幾廿歲人，睇少陣都唔得。

廉貞本義是帶有血源關係的家庭和親密團伙。屈原在《卜居》嘆謂「誰知吾之廉貞」！感嘆世上精忠之人何在？故《女命骨髓賦》云：「廉貞清白能相守」。放諸現實，若廉貞被煞曜重重搗毀，一般家庭關係惡劣，名份不正，難享天倫之樂；甚至人際關係基本信任上大有缺失，容易有不倫關係，欺騙對方之嫌，甚難為人師表。

至於「廉貞可多表達感受、__求，學__身心安定，不因環__變化而波動便可”智慧佛家增長”」云云，又係太陽由東邊升起嘅 __ up ，對於學習斗數毫無用處。何解？只要你拿走「廉貞」二字，放任何一粒星落去都啱，又係好似有啲嘢，有啲深度，好似發人深省嘅廢話。學斗數就學斗數，自己斗數解唔通就唔好喺度神神佛佛，唔識嘅就睇到一嚿雲，識嘅就睇到一肚火。

廉貞化氣為囚，即係講緊家法，唔好將臀部扭嚟扭去，將一啲咁簡單嘅嘢又來搞一舖為賦新詩強說愁，話「自己情緒”囚”住」。至於「廉貞極需__尊重… 處事要求高，但又怕影響別人」云云，又係拿走「廉貞」二字，放任何一粒星落去都啱嘅廢話，又係對斗數學習理解運用毫無幫助，屬於自我安慰的發綺夢形態。

有病就搵醫生，唔駛睇廉貞。

一朝早起身，碌碌 Facebook，就即刻睇到個網上笑話。話說有條神棍竟然叫人「口吐蓮花積口德」，真係又係玄學界最黑暗的一天。做完一大堆陰騭嘢就想粉筆字抹咗佢(詳情係乜本座就暫時賣個關子”積口德”)。律己寬，待人嚴，乜原來世上竟然可以有咁平宜嘅事。喂！冇睇新聞㗎？執粒前一日仲 sell 嘢都俾當局立專案調查啦！唔好為咗逃避責任，去咗幾次佛堂就係咁滿口佛門用語係度「悲天憫人」，一來做陀鳥冇用，週街都知果條契弟衰乜做過 d 乜嘢衰嘢同成果墮落過程；二來將 d 垃圾掃落地毯底唔等如搞咗衞生。本座「神棍外傳」及「斗數渠王」系列全部均有苦主報料 back up，並援引斗數卷章節則例，務求是其是，非其非，不錯打契弟賤人。反觀神棍欲以佛祖之名繼續塗脂抹粉，臉上貼金為自己打造光環遮醜，好 cheap 囉。做 spin doctor？你估你係流世涼咩？慳 d啦。

又曰：「分享知識解其暗」，真係差 d 笑爆嘴。Come on Geoff，let me put it this way，what if 「分享垃圾增其毒」？垃圾在何處？同班同學知、苦主知、本座知，就係神棍自己唔多知。

Last but not least，if one wanna turn over a new leaf，應當誠心懺悔當面向苦主正式道歉、停止 __ up 及停止濫收預繳、停止「啓發拉關係」，「一悔三停」方可重新上路。

嚟到尾聲，不如quote 吓聖經故事作個蓮式結尾俾本座攞吓光環好唔好？路加福音十五章11-32節「浪子回頭金不換」。

苦海無邊，大家話係唔係呢？

註：唔好出 story，要出 post，有個紀錄嘛，唔係 d 跟唔切，吓吓要 cap 圖好煩㗎

話「廉貞貪狼在寅、申同宮，一般而言，與父母感情不太__想，少年時__總有試過離家出走」。哈！今趟病情果然不輕呀，竟然自創安星法，老祖宗外星人陳希夷都要甘拜下風 廉貞和貪狼只在寅、申兩宮獨坐，落筆就打三更，十二基本盤都搞錯，點開班授徒呀 有乜嘢可以教？__up 囉。同學們，捨得退學未啊？

至於「少年時代總有試過離家出走」仲無稽， 既然話「總有」，就當八成都會係咁，試吓問你身邊嘅揸紫破盤嘅朋友有幾多個少年時曾經離家出走？(又或者唔係揸紫破盤嘅朋友有幾多個離家出走)廉貞、貪狼在巳亥同宮即紫破盤，廉貞、貪狼在寅申獨坐即紫相盤，紫破盤亦即「巨門在子、午」，六親緣和(斗數卷卷四253頁)，何來離家出走，與父母感情不太理想？？啱啱係相反至真 雞乸咁大隻字話自己受乜乜卷啓發，唔通係反面啓發？叫你食飯就痾__，叫你痾__就食__，真係好難捉摸 喂喂喂，自己墮落就好啦，唔好拉埋人落水，咁樣好唔道德㗎，好容易學佛不成反成「勿打佛家」

呀！差啲都唔記得 金句：「你唔跟個盤行，因為你已經突破咗自己個命盤」，咁樣幫手兜返，唔知道下期學費預繳 $9600 有冇得可以收順啲或者退款呢？

註：「勿打佛家」為當年 Q 爺黎則奮筆戰中州派掌門王亭之標題，「勿打佛家」火拼「雅仕豪」，兩位老人家玩洋文標題玩得真鬼馬

話「廉貞可分__兩類性格，一類是廉貞__天府、天相同宮。一類是廉貞單星，或廉貞__七殺、破軍、貪狼同宮。」本座可以好清晰精準地話俾大家聽，以上呢種小學二分法極之粗疏，如果真係咁簡單嘅話，點解葉老要花咁多心機出本《卷四·星象原型》去闡釋十二基本盤呢？

電影「無雙」周潤發話「任何事情做到極致都是藝術。有心，假貨也可以做得比真貨好。」依家 __ up 都變得咁求其，比起之前 嘅「傷春悲秋」系列更落一層樓。

渠王只係輕輕咁講一個 point，廉貞貪狼的紫破盤「穩中求變」(卷四254頁)，廉貞破軍的紫殺盤「為家事辛勞」(卷四195頁)，氣質、力度、宗旨完全不同，將佢哋歸納埋同一類，話佢哋係同一類性格，你話係咪正牌小學？話 __ up，渠王真係越嚟越覺得真係一個精準嘅客觀描述

斗數卷卷三277頁有一對日月反背的例子，對認識紫府在寅基本盤十分有參考價值。每個人都經歷過成長階段，在斗數語言中便是天同，觀星為要，不論命坐或大運經過與否，武曲必然也是天同父母，因為兩曜同屬紫微系。武曲本義在執行，實際考慮為要，但這樣是否必然溺愛天同令其弱化及帶來長遠影響？這樣理解當然是否定。換個角度，試問誰人成長不受父母影響？不論陪伴在身邊與否。開首提及的兩位盤主成就非凡，女命主更樂善好施，襄助他人之所遣忘。

既然一粒星都解唔掂，又邊度有能力同時解釋兩粒星甚至全局？細眉細眼是 本色，當之無愧 搵 算命，昂貴的笑話連篇；跟 上堂，悲劇連連。諸君慎之！慎之！

<Dear 條>

好多 條要搭飛機送相機先可以再見

有啲 條唔會再見

衰咗返唔到轉頭

呃秤嘅價值觀必然會走到三义路口上

PK嘅時刻

條梗係走夾唔唞 冇人咁傻陪住癲

人生嘅所有都不一定係預繳

一定無敵

有時會覺得天相其實唔係好天相

__濕好似係黃色

俾人咒罵嘅壓迫

做人究竟為咗乜

點都好要記住所有嘅__up

總有loop 完又loop嘅價值

+++++ +++++ +++++

多嚿就係人都知，最近唔見曬D__up斗數，取而代之係轉發，啱啱呢期睇到D「一句寫成一段」嘅秘技，失禮求諸野，得百曉生點通渠王任督二脈，感恩之餘，轉載如下：

「大廈火燭，依家好大煙睇唔到有 fire exit，但你概念中知道應該係有 fire exit 可以幫你逃生嘅。但睇唔到唔等於大廈冇逃生門，大家要抱有希望去搵佢出嚟…儘管呢一刻好大煙睇唔到係邊。」

其實呢個係矯情嘅延續，無病呻吟，甚麽廉貞囚住情緒、甚麼甚麼就減少佛家智慧，一係就阿爸係男人，一係就傷春悲秋，肯肯定對習術全無禆益，一個又一個貽笑大方嘅人間笑話。

智者千慮，掛一漏萬。上文提及 組合拳來來去去都不外乎嗰幾招，點知原來遺漏了一招，就係借用聖人大德之言為自己作遮醜布。今回上陣係德蘭修女，再補添一句「面對批評，有則改之，無則加勉。」成身光環，一定啱晒，金光閃閃，好似太陽咁溫暖，結果又咪係得個講字，即係__up者是也，肯誠心向苦主道歉先再講啦。

太陽主貴，重點在施予，領導力則常見於演繹紫微，將兩者混為一談，再加上將「是非」加諸在太陽身上，簡直就係九八七十二，搭不上王八。大家有興趣嘅話不妨睇睇乜乜卷卷二地空地劫一章則例，命主出名多是非但太陽「落陷」，此反證足見 秘技 — 求求其其乸西地將兩樣稱不上有緊密聯繫的定義變成重點，繼而「發揚光大」混淆視聽。如果唔信，俾多個反証你，卷四蔣公則例。

其實斗數立論乸西成咁，呀茂同亞壽隨便揭開本佢自稱受到「啓發」嘅乜乜卷都會毫不費力搵到恆河沙數的反証。唔好話渠王又踢爆，根本潛台詞彰彰甚明，總之就話知你，乜都聽唔到，一如當日東窗事發前，眾人好言相勸 堂上說話不可太露骨一樣。結果不但繼續露骨，還露 __ 添。一己私慾最緊要，師父在生時都係咁話，其他批評嘅人算老幾？自勉為之，改之則免。一篇自圓其說嘅示威文宣。對嗎？因為在妄想被迫害症院友眼中，世界一分為二：我方立場一貫，我冇錯，責任全在對方。

要跟院友學嘢你估平㗎？不過都係承惠九千六蚊啫 如果閣下是男生，唔答你問題係應該嘅，你要檢討吓你自己嘅性別，okay?