道聽塗說，姑妄聽之。
如有雷同，實屬巧合。
預防勝治療，歡迎CLS報料。
診所內……..
：近排點啊？
：普普通通囉。：睇嚟你面色好似唔係幾好喎
：最近同有個唔係好熟嘅朋友
兩個人食飯，之後上咗佢辦公室睇吓。係教斗數嘅，咁啱橋我命宮嘅星同佢命宮嘅係一樣。談話中，佢問我知唔知自己命宮有怪癖。見我呆咗一呆，就話例如好似男人睇AV咁。我定一定神後，話男人睇呢啲嘢都唔算係乜嘢怪癖吖，之後就冇再繼續呢個話題。：Okay….. 之後有冇啲乜嘢特別事呢？：知道我開藥房，問我有冇賣安全套。我話當然有啦。話佢想買，有啲乜嘢選擇。跟住左問右問，唔同牌子，唔同款式，又咁又咁。喂
當左我係男人咁問，爭在未問你用過邊隻好用。我頂唔順之下
，就話我夠鐘要走先，WhatsApp 叫公司另一位男同事招呼佢，走嘅時候順手喺對面廖孖記買咗樽腐乳當辟邪。：咦？佢__觀念都幾開放噃。咁佢最終有冇幫襯你？：有，仲買咗好多款添。我男同事問我做邊行，一次過買咁多，究竟係唔係__工作者嚟㗎？屋企放啲，公司又放啲，個身又袋住啲？：點解佢自己唔直接出去買？：我諗覺得大手購入有直銷價掛，其實去淘寶買仲平啦親
。事後諗返轉頭，覺得佢借題發揮囉，我亦都唔應該咁八卦無啦啦上人辦公室。：你會唔會過份敏感導致你有咁嘅諗法？：你咁講係好正路嘅，不過我當時係現場有完全唔同嘅感受。之前我咪話命宮同我命宮嘅星都係一樣，佢自己S抑壓，就當全世界嘅天梁坐命嘅人都一樣。大佬呀，唔同宮位唔同基本盤唔同出生年干化㗎呢啲咁嘅道行，點出嚟教人呀？仲夠薑收人$9600預繳？
：咁就真係有啲講唔通，為人師表更應該言行謹慎。：咪係囉！之後仲打電話嚟話我粒天梁要食藥，要修心，唔知自己有啲乜嘢幫到佢，叫我小心啲。咁係咪即係話我上次冇上檔就即係有病吖？辦公室文昌位果然真係「二五交加而損主」，加埋流年二黑病符，諗嘢果然short short 哋。
：你會唔會覺得佢每一句說話都有舖排，又或者每次嘅通訊都懷着特定嘅目的呢？
：雖然咁諗好似好衰，但係我越嚟越覺得佢係咁，真係細思極恐。
：而家你有冇覺得好啲？：講咗出嚟個心定返啲，多謝你！心靈大師上身要去解救世人，不停係咁樣喺度講佛偈呃人，目的原來就係要填平自己內心嘅空虛，我開始擔心究竟有幾多人墮入咗佢圈套？另一邊廂……… 原來也正在思考中
也正在思考中做乜諗嘢，究竟諗緊乜嘢？
下回分解…….
神棍外傳系列全文
謝飛．斗數看世情
倫敦政治經濟學院管理系碩士。研習紫微斗數十多年，受《斗數卷》理論啟發，以詮釋學角度分析斗數，配合系統思維、邏輯推理及人情常理，解構命盤內的種種人生現象。