道聽塗說，姑妄聽之。
如有雷同，實屬巧合。
毒素頑強，潛伏期可以好耐，如不自拔，翻發機會率高。最要命是你一
一意覺得可以信賴嘅人原來只係一個__抑壓騙子。你會自責點解咁蠢信錯人，俾人呃，最激氣係同呢D咁低呢嘅垃圾扯上關係，最終令到自己受到傷害。神棍外傳系列最起碼列出兩個事實：
1） 受害人絕對多於一人，開台麻雀打返四圈絕對冇問題，而當中有重複受害人
2）羅列
騙人伎倆，希望未來受害人數減少
騙人伎倆，希望未來受害人數減少以下是其中一類受害人嘅故事。
我曾經係一位自稱嫡傳導師嘅得意門生。這位導師有頗多粉絲，樣子有啲似中東王子沈博士，有政務背景，之後又浸過鹹水，人不僅熱心，同班中女同學飲飲食食打成一片。雖然有啲甩頭髮，對佢我依然敬佩有加，視他如兄長。
然而我逐漸發現佢另一面。佢時常會對我發出一D__暗示，起初我以為佢口痕講笑，並未在意，只係自己敏感。但隨著時間推移，佢的暗示越來越明顯，甚至開始覺得佢眼光非常不正常，班中說話更帶點淫邪。我開始感到非常不安和困惑，但不知該如何應對。
好奇之下我開始 google 搜尋一下，睇到一啲頗令人震驚的事情 — 原來佢係有婦之夫，婚禮當日淺水灣衣香鬢影，貴客如云。作為一個有家室，有頭有面嘅導師，行為言語經常越界，很可能係試圖利用佢導師嘅身份進行S騷擾。佢似乎好有經驗去進行呢件事，亦步亦趨，彷彿每一刻都可以完全抽身而不招人話柄。
越想越驚，最後都冇繼續上堂，因為佢要一次性預繳。老實講，我對佢失去信心。反而退學後，有幸認識了其他班的同學，原來我擔心的事真的曾經發生過，內情噁心程度令人發指，恕我喺呢度就唔多講。據新朋友講，佢十分懂得利用他人善心善意，通過跨大矯情賣慘情誘發異性保護小
的母性，從中渾水摸魚，故建議大家好好保存所有對話證據，有需要時可以聯合一起去「東
」投訴。
的母性，從中渾水摸魚，故建議大家好好保存所有對話證據，有需要時可以聯合一起去「東」投訴。至此，我感到既慶幸又心痛。慶幸自己最終沒有甚麼大損失，幾千蚊就當搭廉航唔見咗行李，亦沒有被導師的花言巧語所迷惑，但同時也痛心之前受過佢傷害的人。我們必須保持警惕，不能輕易被表象所迷惑。學斗數就係學斗數，勿忘初心，其他羊頭狗肉就免問。
我希望通過自己的經歷，能夠警示更多的人，不要輕易被騙色導師所迷惑，因為我收到極之可靠嘅消息佢至今依然死性不改，成日約班中目標「談心」。有時我真係好想知道，究竟做咗咁多衰嘢夜晚瞓唔瞓得着，心中無善心而空談善心，究竟對唔對得住佢師父、同門師兄姐同埋所有幫過佢嘅人？
不過，我諗我唔一定會得到答案。
神棍外傳系列全文
謝飛．斗數看世情
倫敦政治經濟學院管理系碩士。研習紫微斗數十多年，受《斗數卷》理論啟發，以詮釋學角度分析斗數，配合系統思維、邏輯推理及人情常理，解構命盤內的種種人生現象。