道聽塗說，姑妄聽之。 如有雷同，實屬巧合。 預防勝治療，歡迎CLS報料。 神棍外傳(一)：救濟神棍 近排 Google 搜尋紫微斗數大熱關鍵字非「紫微斗數免費」莫屬，其實當中運作很簡單，很多時候就係學緊紫微斗數嘅人拎住佢喺 FB IG 蒐集返嚟嘅盤走去自己學緊嘅堂上面去問，即係移花接木，借力打力，嚴格上嚟講你可以話係侵權。通常啲對白會係….. 「阿 Sir/ Miss，我有個朋友… … … (下刪五百字）」呢個朋友問嗰個人從來可能冇見過，又或者聲都冇聽過。假若，只係假若，假若有啲更契弟嘅，自己開班收生，又收得貴，仲要硬性一次過俾晒先，遇到自己解唔通嘅嘢，就暗渡陳倉走去問自己上緊堂嘅老師(仲要堂堂係咁問，所以契弟 is a fxxking fair comment 公允意見)。嚴格上嚟講阿契弟只係一個無牌經紀，左手交右手，右手交左手，當中沒有甚麼啟迪又或者養份可言，這類人可稱之為「斗數綜援戶」，皆因一切都要等到每週上堂救濟是也。你以為你同班同學唔知咩？知可以唔出聲㗎嘛，死蠢 故曰:「世情定必要看清」 神棍外傳(二)：鬼鬼鼠鼠偷番薯 昨日，我菲律賓工人行過街市，聽到有個賣魚佬講話有條禿頭仔叫做猿鶴騎呢俠，係你。哈哈……我當堂嚇一跳，然後得啖笑。呢個世界，咁後生就搞到髮再生，咁即係分明當我流唧！嗱！我就叫四化龍蝦丸，同門年紀最細但都有甩髪，收費最貴，學員最多，強迫預繳不退錢，你都係免費算命𢱑客然後電郵問人度幾嚿水啫(度唔水就嚇人話人生癌)，我就睬你都徙氣，直情一條龍又食又拎，搞小圈子宮心計分化內鬥，提高內部爭寵競爭，做我義工係 Clubhouse宣傳同準備課堂文宣，芳華正盛嘅就上我屋企再傾，呢d就叫擺明搵笨實但偏偏心甘情願，魂牽夢縈囉。呢度有個星盤，只要我輕輕一o卒，就即刻變左一隻皺左o既星盤，因為我未發功丫嘛。我假冒嫡傳發左功特效通渠都仲得。你話我果然無厘頭呀，我夠話你訓醒戇九九咯。望咩呀？條氣唔順呀？發個輪黎大家研究下。當然，你係六月補番一期學費$9600俾我就唔在講架啦。啤咩呀？左抄右抄嘅野就唔使俾錢呀？抄底我聯絡電話係香港709394，我再重覆一次係香港出嚟搞三搞四。你唔搵我我冇所謂，因為呢d係你o既損失。十點後鐘唔好打黎，因為我開咗唸佛機係 IG live 唸佛！ 食嘢唔抹嘴？食完仲要彈？以為扮就可以推卸責任？以為一句流言就好似南早一紙受權乜都包晒？記Continue reading “神棍外傳：世情定必要看清”