道聽塗說，姑妄聽之。
如有雷同，實屬巧合。
預防勝治療，歡迎CLS報料。
先前有人寄來一疊廢紙，其中一份標題名為「三元九運及梅艷芳」，一份類似筆記嘅物體，本座唔使30秒睇完，因為八成以上嘅內容都係維基百科，即係人肉 ChatGPT，更加唔好講要俾錢聽🦞廢噏。大量抄襲除咗浪費地球資源外，當中有部份更加係原文照抄，以一個所謂浸過鹹水嘅管理系碩士，又聲稱受過乜乜卷「啓發」嘅騙徒，擺明 plagiarism ，對原創者根本毫無尊重可言 (見下圖)。難得嘅係，當其他人抄佢刊登嘅貼文截圖 (仲要張圖都唔係佢自己造)，🦞就喺度呱呱叫，叫晒成村人出嚟同佢評理。呢啲咁嘅兩面人，叫佢契弟都真係侮辱咗呢兩隻字。
剩低兩成講梅艷芳嘅命理，隔靴搔癢，阿媽唔係男人，最攞命嘅就係往生後都繼續講，真係帶領命理__up潮流，廢到一個點呢…… 最後整幾張人生大道理嘅 slide 作結尾，當中冇一樣嘢🦞喺現實生活之中做得到，又或者更精準地表述應該係…… 倒轉頭嚟做先至真。出文果陣，又成日 check 住幾多人 like，正一小學🐥。大家試想想，咁嘅垃圾居然要收你九千六，真係人都癲，蛇都死，買個過期杯麵食冇咁嬲。
今個聖誕，此文配圖作為禮物十分合適🦞，莫再遺禍人間，敗壞師門。
伸延閱讀：https://collection.news/thestandnews/articles/156121
https://www.mediafire.com/file/rg7r7nhy4dt6ejy/Lobster.pdf/file
神棍外傳系列全文
謝飛．斗數看世情
倫敦政治經濟學院管理系碩士。研習紫微斗數十多年，受《斗數卷》理論啟發，以詮釋學角度分析斗數，配合系統思維、邏輯推理及人情常理，解構命盤內的種種人生現象。
歡迎分享 Share:
