神棍外傳號外：真__up派

道聽塗說。姑妄聽之。

如有雷同。實屬巧合。

苦海雖無邊 。回頭總是岸。

預防勝治療。歡迎CLS報料。

有苦主緊急報料，前環保堆填課程學員同本座泣訴(未駛泣叩)，話之前有契弟喺堂上面講睇母親就睇原局兄弟宮便可。何解？因為如果以原局父母宮作本位，逆行兩格，其夫妻宮便是原局的兄弟宮，亦即所謂原局的「母親宮」，因為你老竇果老婆(夫妻)即係你亞媽。同理，原局命主的福德宮亦即係你老婆嘅事業宮，下省三萬字，因為咁樣搞法真係唔知道會走咗幾多個盤出嚟，呢個係一個瘋狂大包圍，任何事情任何現象點樣都可以一定解釋到，故實為真__up派開山掌門是也。(仲無聊到開 po 搞投票添)

倘若兄弟宮 =「母親宮」嘅話，咁如果本身兄弟係好契弟嘅，咁亞媽咪即刻變成契弟，由女變男？真__up 也！

作為葉老《斗數卷》嘅眾多忠實讀者之一，本座以百份百份認真負責任嘅態度同大家講，上述類近北派又或者係北派，甚至可能同北派冇關嘅紫微斗數論述，絕對沒有在《斗數卷》以任何形式，包括直接、間接、譬喻、隱喻、圖讖、反諷、藏頭、密碼、橫批等方式出現。葉老在《卷三》已清楚用白話文寫出「斗數是一門觀星的藝術，不是觀宮位格仔的藝術」(page152) 。(睇唔明就真係白痴) 本座真係唔明白 究竟受到乜乜卷乜__嘢嘅「啓發」，講啲完全同乜乜卷完全無關嘅嘢。(對唔對得住佢師父先)假若，又係假若，有後學上 堂係想知道及了解多一些有關《斗數卷》嘅理論與演繹方法，咁似乎佢哋搵錯人囉，嘥錢嘥時間晒心機捱眼瞓，九千六一江春水向東流，嗚呼哀哉！

執筆至此，忽然間諗返起之前有苦主話 收三千粒 批命批到都嚟埋，講埋一啲阿爸係男人嘅嘢。本座很好奇，既然貴為真__up派嘅開山鼻祖，點解呢啲咁小兒科嘅嘢都拆唔掂？真奇哉怪也！

既然堂內堂外__up都搞唔掂，似乎 只可以回家自我狎玩之前買落嘅一大堆不同款式大細嘅安全套聊以自娛！(為咗三個字寫足一大段 吹脹！)