神棍外傳 25 ：(準)學員報讀 🦞 堆填課程環保指引

道聽塗說。姑妄聽之。

如有雷同。實屬巧合。

苦海雖無邊 。回頭總是岸。

預防勝治療。歡迎CLS報料。

係一窺生理計劃前，諸君宜先睇此貼，打定復必泰，當可反守為攻

承前文號外「兄弟=亞媽」， 近排亦喜 __up 「星曜盲點」。哈！真搞笑，未學行腳震震又學人飛，結果「凋謝飛唔起」。甚麼太陽坐命專注力不足，今次則凸顯星曜本義拿揑不準隨口噏，捉錯用神 ( D斗數大體水平如此)，亦即係__up。當中的似是而非，反面教材啓發啓思甚豐，福德天同多好形而下，就此謝過。(唔好話本座成日鬧人，冇乜建設性)

十大指引如下：

01. 如果你唔係 條，就要預咗上堂 hea 答你提問又或者根本唔交叉睬你。 一向唔鍾意食D韌嘅嘢，所以千祈唔好介紹D兩蚊搭車嘅學生俾 ，佢係會倚倚鬼食泥咁嘅聲，嫌三嫌四，天梁化科擎羊功架十足。

02. 報名前問一問 對神棍外傳系列有冇D乜嘢感想分享。睇吓 係唔係話唔知點解又或者作者係黐線嘅，咁樣就可以一句劃清界線扮無知，仲要成件受害者咁添。

03. 報名前問一問 何解要預繳？點解一次過收九千六咁貴？請問份筆記係咪鑲金㗎？包生仔？定包保係$10時買中 Nvidia？定抑或每個盤例都要__up四堂揼波鐘？中途退學有冇錢退番？有冇收據？順手問吓 有冇破軍嘅犧牲精神(佢自己講㗎)去免費義教？仲有 話突破自己就唔使睇個星盤，咁做乜要俾九千六？For what

04. 報名前問一問 究竟乜乜卷「啓發」咗 D乜嘢？貪狼化忌柔化殺破狼星組是出現在乜乜卷何卷何頁？順手問一問 成日聽到木魚聲做推說係天相、空劫嘅星象，究竟 精神是否健全？是否持有白咭？是否適合教學？

05. 報名前問一問 如果唔參加一對一活動，例如面談、約會、陪食飯、陪靈修、陪唸佛、陪睇戲、陪探監、準備文宣、網頁設計、做義工、陪打座等，同埋大食會會否影響學習進度 (如有嘢學嘅話)？樣樣都要人陪，招募三陪學生？究竟你係咪搞緊斜教，係肢體殘障，思想殘障還是自身過分虛耗，導致行動不便虛脫腳震震？

06. 報名前問一問 究竟乜嘢係斗數詮釋學 Hermeneutics？並舉例說明之。順手問吓 佢會唔會冒認嫡傳？有冇同門師兄姐可以確定 冇__up？有冇得偷聽偷睇其他導師嘅課堂？

07. 報名前問一問 究竟佢專頁 bio 所講嘅「人情常理」是否包括個人私生活從不檢點及頻繁向異性發出__暗示訊息？包括在素未謀面之下，直接約人上去辦公室但係又唔知做乜？順手問吓 佢之前大手購入嘅安全套唔好用？用晒未？會唔會循環再用？

08. 報名前問一問 一共 block 咗幾多學生？係咪因為成日「披着光環，拿著學生的命盤，打著關心學生的旗號，其實別有用心」？有冇擔心因為 block 漏咗人而係咁甩頭髮？

09. 報名前問一問 為何 2022年要縮班殺校？乜唔係好似 自己話佢自己「同門年紀最細，收費最貴，學生最多」咩？點解忽然間玩小班教學？係咪2022班學生因不明事故東窗事發大量流失有關？好地地做乜搬 office？係咪有嘢要逃避？逃避D乜嘢？逃避咗幾耐？依家仲有冇逃避？喺逃避嘅過程之中係咪就咁話人哋一句黐線又或者唔知點解就了事？

10. 最後當心真__up派絕密暗黑心法：

與君歌一曲之際，留意有時癲起上嚟，call 到冇人 call，有老公嘅照 call，搞到上堂都家嘈屋閉。最後記得問 對唔對得住佢老師、同門師兄姐、佢嘅學生同埋幫過佢個人

至於 「善意」如何釋出？

下回正式分解