神棍外傳 24 【契弟三星級賤人稀釋出來的一點「善意」】

道聽塗說。姑妄聽之。

如有雷同。實屬巧合。

苦海雖無邊 。回頭總是岸。

預防勝治療。歡迎CLS報料。

上回講到 大手入貨多款安全套（準備……)， 去廖孖記買咗樽腐乳辟邪，此時此刻這邊廂 滿腦生理事宜 ……. 正苦思如何練就辟邪劍，志雲髮再生，稱霸條界。

「世上只有一個華山派掌門偽君子閹人岳不群，要掩人耳目

講幾句佛偈「扮學佛」就搞掂

要常常觀察自己

了解一己邪念如何滋長

做人處事說話夠唔夠棚

也要兼顧「後果」

生活節奏快咗

有幾多深思熟慮決定可以呃到人呢？

幾多決定可以不負「後果」呢？

命宮、福德、事業、疾厄、遷移、財帛、身宮等宮位要長期保持亢奮

呃人錢騙色前不宜諗清諗楚

揮劍自宮，事必要快

咁樣就可以百戰不殆」

失道寡助，行陰暗齷齪之事，愈少人知愈好，進行間諜式分而治之嘅模式最好，所以寡助正是我杯茶。受害人啞仔食黃蓮，礙於身份，只能啞忍。既然講都唔敢講，又何來有人為她們出頭呢？就算撕破臉皮，浩浩蕩蕩鬧上法庭又何足道哉，橫掂我之前係執咗笠果間舊舖識得咁多大狀？害怕二次傷害正是好使好用的護身符，只要我得閒講吓佛偈，講吓人與人之間相處嘅善意，講吓阿爸係男人，貼文一出即刻帶嚟大量粉絲讚好。成班蠢人都唔知道我喺度__up斗數搞邪教，我話我受某某乜乜乜「啓發」，咁都信？仲要預繳九千六我使，你話係咪蠢到冇朋友？真係好似電視宣傳片叫人唔好買翻版一樣，真係好難唔同你講聲「多謝」！畢竟呢個世界上免費午餐唔多，依家竟然可以又食又拎，咁都比我諗到，你話係咪天才！果真……

上帝要我滅亡，必先令你瘋狂，其言至善也。吾星盤廉羊左右，丙寅大運廉貞化忌，紫微得雜曜龍德和之，疾厄宮天同化祿配空劫，__權力巔峰亂嚟之彰顯也，仲要文昌化科振振有詞，故必於人生高峰凡事自我合理化感覺良好，亦同必遭五雷轟頂斃於上峰是也。

稀釋「善意」究竟如何䆁出？

請看下回分解