神棍外傳 14 – 呃秤

連環殺手洋文叫 Serial Killer，通常有關執法部門都會成立專案，分析研究一下嫌疑犯嘅精神狀態同行為模式。不如我哋有仿效一下，睇睇條契弟嘅 psychological profile。簡單而言，基本上係處於一個精神不健全，不穩定狀態，而面對一個咁嘅情況，大屍基本上運用高頻活動、佔有模式去抵銷內心起伏不斷的持久不安、擔憂和恐懼，從而說服自己一切安好，誰不知此舉已跌進 self-justification 循環嘅思想無間地獄。

由亞契解釋紫微斗數星曜嘅超低水平及行文言不及義，支離破碎等可以推測出其不健全。天梁星義為解厄，契弟就演繹出「天梁係藥」；天同星義為孩童般的野蠻模式及福樂，契弟就無厘頭演繹出「天同係藥丸」。當然呢個唔係孤証，之前嘅一系列__up仲包括丸、豆腐花、木魚、國際學校、天相唔覺得佢係天相，亦當然不會排除佢靜靜雞喺‎WhatsApp話自己係嫡傳，以上只不過係隨便露兩手便秘之技咁解

通過大量電話對話「問好」𢱑 talk 及網上社交平台頻密發帖宣示自己如何超然(例如 quote 吓D得道僧人語錄)可以推測出其抵銷模式。此舉亦有另一作用 — 搞 spinning，賣落定防火牆，攞定啲同情分先，咁第陣時真係有人揭露真相嘅時候，就可以扮契弟扮無辜，玩大國風範：「責任全在對方」，所以當中有好多人會不定時收到契弟嘅奇怪電話。好耐冇通過電話，以為有啲乜嘢重要事或者約食飯，原來係啲無厘頭嘅嘢，即係𢱑 talk，又點知原來背後係咁有目的嘅呢

言為心聲，文字是思想的載體。當契弟話天相、地空、地劫就會聽到木魚嘅敲聲。我問你，你睇到啲咁嘅嘢你驚唔驚？ 究竟呢個人嘅精神係乜嘢狀態？你預繳咁多錢搵個傻嘅教你紫微斗數，你驚唔驚？除非你都係傻嘅。 如果你有多少社會經驗，你應該會知道有啲好正能量好付出為人帶嚟歡笑嘅人，佢內心同佢嘅外表好可能係有好大差距，所以有人話成功嘅喜劇演員通常都係悲觀嘅人。

亞契弟間唔耐就會講吓電影，如果你有睇過史匹堡嘅「慕尼黑」，唔知你哋記唔記有一幕講個主角任務完成後返到屋企，通過敦倫去發洩內心嘅壓力和恐懼。這場戲很真實，亦即係話人遇到極端情況，將近 break down 之時，其中一種消減壓力的方法就是「佔有」，二戰神風突擊隊冒死揸住飛機俯衝落敵軍目標亦是如出一轍，電影Oppenheimer 男主角喺曼克頓計劃所承受的壓力亦都係通過這樣的方法去舒緩。古時屠城後嘅姦淫擄掠，畫公仔畫出腸畫到呢度，本座都唔需要再補充啲乜嘢啦。有心人裝冇心人，重複有組織地去 leverage 他人信任、尊敬和心靈薄弱的一刻去滿足自己，消彌一己之虛空，仲要打正旗號受乜乜乜「啟發」，援引乜乜法師語錄，群星拱照，契弟確實係呢個層面係體現咗「化科多騙」嘅意義，亦同邪教基本本質上再冇乜嘢區別啦

只是，啞忍承受嘅一方實在太無辜太不幸了

待續…….